GlVII Campus de rugby Vila das Pontes
VII Campus de rugby Vila das Pontes
O CR Fendetestas organiza, xunto co Concello das Pontes, o seu tradicional campus de verán, que vai xa pola sétima edición. O evento conta co patrocinio de Grupo Servicio Móvil e coa colaboración da Deputación da Coruña.
O Fendecampus terá lugar entre o 26 e o 30 de agosto e está dirixido a crianzas nadas entre 2009 e 2019.
A inscrición ao campus inclúe seguro de accidentes deportivos, seguro de responsabilidade civil e dúas camisetas. Ademais, existen dúas modalidades de inscrición:
- Campus completo: de 10.00 a 18.00h (inclúe almorzo de media mañá, xantar, excursión do mércores con merenda e noite de pernoita con cea e almorzo)
- Campus só mañás: de 10.00 a 14.00h (inclúe almorzo de media mañá)
O prazo de inscrición remata o 12 de xullo e hai prazas limitadas. Corre, que voan!
Se tes calquera dúbida, podes poñerte en contacto en campus@crfendetestas.com ou no móbil 604 04 04 08 (Carla).