GlIX Campus de rugby Vila das Pontes
IX Campus de rugby Vila das Pontes
O CR Fendetestas organiza, xunto co Concello das Pontes, o seu tradicional campus de verán, que vai xa pola novena edición. O evento conta co patrocinio de Grupo Servicio Móvil e coa subvención da Deputación da Coruña.
O Fendecampus terá lugar entre o 24 e o 28 de agosto e está dirixido a crianzas nadas entre 2011 e 2020.
A inscrición ao campus inclúe seguro de accidentes deportivos, seguro de responsabilidade civil e dúas camisetas. Ademais, existen dúas modalidades de inscrición:
- Campus completo: de 10.00 a 18.00h, excepto o venres de 10.00 a 16.00h. Inclúe almorzo de media mañá, xantar, excursión do mércores con merenda e noite de pernoita con cea e almorzo.
- Campus só mañás: de 10.00 a 14.00h, excepto o venres de 10.00 a 16.00h. Inclúe almorzo de media mañá.
O prazo de inscrición remata o 14 de xullo e hai prazas limitadas. Corre, que voan!
Se tes calquera dúbida, podes poñerte en contacto en coordinacion@crfendetestas.com ou no móbil 604 04 04 08 (Carla).